च्याम्पियन्स लिग : युभेन्टस ३ – ० ले पराजित

348
  •  
  •  
  •  

२१ चैत – क्रिस्टियानो रोनाल्डोको उत्कृष्ट गोलकाे कारणले रियल मड्रिड जित हात पारेकाे छ।च्याम्पियन्स लिग अन्तर्गत क्वा टरफाइनलको पहिलो लिगमा साविक विजेता रियल मड्रिडले युभेन्टसलाइ ३–० गोलले पराजित गरेको छ ।

घरेलु मैदानमा भएको खेलमा दश खेलाडीमा झरेको युभेन्टसलाई हराउन रियलका लागि रोनाल्डोले दुई गोल गरेका थिए । खेलको तेस्रो मिनेटमा नै रोनाल्डोले इस्कोको पासमा गोल गरेपछि रियलले एक शुन्यको अग्रता लिएको थियो । ३५ औं मिनेटमा टोनी क्रुसले डी बक्स नजिकैबाट प्रहार गरेको शसक्त प्रहार बारमा लाग्दा रियल पहिलो हाफमा दुई शुन्यको अग्रता लिनबाट चुक्यो ।

दोस्रो हाफमा रियालले थप दुई गोल गर्दा युभेन्टस भने दश खेलाडीमा समेटियो । ६४ औं मिनेटमा रोनाल्डोले ओभरहेड किकमार्फत गोल गरेपछि युभेन्टस दुई शुन्यले पछि पर्यो । रोनाल्डोले आकर्षक गोल गर्दा युभेन्टसका समर्थकलेसमेत ताली बजाउँदै उनीप्रति सम्मान प्रकट गरेका थिए ।

६६ औं मिनेटमा पाउलो डिबाला दोहोरो पहेलो कार्ड पाउँदै मैदान बाहिरीएपछि दवावमा आएको घरेलु टोली खेलमा फर्कन सकेन् । ७२ औं मिनेटमा रोनाल्डोकै पासमा मार्सेलोले टिमका लागि तेस्रो गोल थपे । इन्जुरी समयमा पोर्चुगल स्ट्राइकरले ह्याट्रिक गर्ने मौका गुमाएका थिए । बुफनको टोलीले पनि गोलका केही अवसर सिर्जना गरेका थिए तर रियलका गोलकिपर नाभास बाधक बने । रोनाल्डो च्याम्पियन्स लिगमा लगातार दशौं खेलमा गोल गर्ने पहिलो खेलाडी पनि बनेका छन् ।


  •  
  •  
  •