काठमाडौ, १८ असार – लियोनल मेसीको उत्कृष्ट पासमा एन्जल डि मारियाले थपिएको समयको अन्तिमतिर सुन्दर गोल गरेपछि अर्जेन्टिना विश्वकप फुटबलको अन्तिम आठमा प्रवेश गरेको छ । मारियाको गोल नै स्वीट्जरल्यान्डलाई हराउन निर्णायक बन्यो ।
मंगलबार राति साओ पाउलोमा भएको खेल निर्धारित ९० मिनेट गोलरहित टुंगिएपछि ३० मिनेट अतिरिक्त समय थपिएको थियो ।
विपक्षीले लगातार मार्क गरेपनि कप्तान मेसीलेदुई स्वीस डिफेन्सलाई छलाउँदै वीचबाट दिएको पासमा सेकेन्ड बार च्याप्दै डि मारियाले १ सय १८ औं मिनेटमा गोल प्रहार गरे ।
मारियाले मात्रै खेल अवधिभर १२ पटक पोष्टमा बल प्रहार गरेका थिए । यो संख्या सन् १९६६ यता विश्वकपमा अर्जेन्टिनी खेलाडीले गरेको सर्वाधिक प्रहार रहेको विभिन्न अन्तर्राष्ट्रिय सञ्चारमाध्यमहरुले जनाएका छन् ।
अर्जेन्टिनाले गोल गरे लगत्तै स्वीटरजल्यान्डका मिडफिल्डर ब्लेरमिन जेरमाइलीले हेडमार्फत हानेको बल पोलमा लागेर फर्कियो ।
स्वीट्जरल्यान्डका दुई–तीन डिफेन्स निरन्तर मेसीको निगरानी खटिए पनि चारपल्ट फिफा वर्ष खेलाडी भइसकेका मेसीले आठपल्ट गोलका अवसर सिर्जना गरे ।
रिदिएका थिए । यसअघि यति धेरै गोलका अवसर कुनैपनि अर्जेन्टिनी खेलाडीले विश्वकपमा सिर्जना गरेका थिएनन् ।
बल पोजेसनमा ६२–३८ ले अगाडि रहेको अर्जेन्टिनाले १३ पटक कर्नर पाएको थियो भने २९ पटक पोष्टमा आक्रमण गरेको थियो । अर्जेन्टिनीविरुद्ध युरोपेली टिम स्वीट्जरल्यान्डले भने १३ पटक मात्र आक्रमण ग¥यो ।
बेल्जियम पनि अन्तिम आठमा
अमेरिकालाई १ का विरुद्ध २ गोलले हराउँदै बेल्जियम विश्वकप फुटबलमो क्वाटरफाइनलमा पुगेको छ । अब बेल्जियमले क्वाटरफाइनल खेलमा अर्जेन्टिनाको सामना गर्नेछ ।
निर्धारित ९० मिनेट गोलरहित बराबरी भएपछि अतिरिक्त समयमा पुगेको खेलमा बेल्जियमले अमेरिकालाई २–१ ले हरायो ।
अतिरिक्त समयको तेस्रो मिनेटमा नै बेल्जियमको लागि केभिन डे ब्रयनीले लुकाकुको पासमा गोल गरे । यस्तै १०५ औं मिनेटमा लुकाकुले अग्रता दोब्बर बनाए ।
दोस्रो गोल खाएको दुई मिनेट पछि नै अमेरिकाको लागि वैकल्पिक खेलाडीको रुपमा मैदान छिरेका जुलियन ग्रीनले गोल गरे पनि हार टार्न सकेनन् ।
