गायक भिटेनले मागे माफी, ‘पारा’को संशोधनसहित नयाँ भिडियो ल्याउने

101
  •  
  •  
  •  

काठमाडौं । र्‍यापर समीर घिसिङ (भिटेन)ले हालै युट्युबबाट सार्वजनिक गरेको र्‍याप ‘पारा’मा आपत्तिजनक शब्द समावेश भएको भन्दै माफी मागेका छन्।

एक विज्ञप्ति जारी गर्दै केही शब्द आपत्तिजनक परेमा माफी माग्दै संशोधनसहित सोही गीतको नयाँ म्यूजिक भिडिओ सार्वजनिक गरिने पनि उनले बताएका छन् । उनको विज्ञप्तिमा भनिएको छ, ‘पारा’मा समावेश शब्दले कतिपय निकायप्रति ठेस पुगेको गुनासो आएपछि आपत्तिजनक शब्दको संसोधन गरिनेछ ।’

‘सम्बन्धित निकायहरु तथा महानुभावहरुलाई उक्त म्यूजिक भिडिओमा प्रयोग भएका केही शब्दहरुबाट पर्न गएको असुविधा तथा चोटप्रति क्षमायाचना गर्दछौं,’ विज्ञप्तिमा भनिएको छ,‘उक्त म्युजिक भिडिओलाई अनाधिकृत रुपमा कुनै पनि माध्यमबाट अपलोड नगरिदिन हुन आग्रह गर्दै आधिकारीक च्यानलबाट चाँडै नै संशोधित भिडिओ प्रसारण हुने जानकारी गराउँदछौं।’
उनको गीतमा केही अश्लील शब्द प्रयोग भएका थिए । यसपछि प्रहरी प्रधान कार्यालयले छानबिनका लागि साइबर ब्यूरोलाई निर्देशन दिएको थियो।


  •  
  •  
  •