६५ वर्षभन्दा माथिका मानिसमा पनि कोरोना विरुद्धको खोप परीक्षण, ९४ प्रतिशत सफल

58
  •  
  •  
  •  

एजेन्सी । फाइजरले बनाएको कोरोना भाइरसविरुद्धको खोप ६५ वर्षभन्दा बढी उमेर समूहका मानिसमा पनि परीक्षण गरिएको छ । परीक्षणका क्रममा ९४ प्रतिशत सफल भएको दाबी गरेको गरिएको छ ।

अमेरिकी कम्पनी फाइजर र जर्मनीको बायोन्टेकले मिलेर यो खोप बनाइरहेका छन् । तेस्रो चरणको परीक्षणका क्रममा यो खोपले सबै उमेर समूहका मानिसमा एक समान असर देखा परेको कम्पनीले जनाएको छ।

बीबीसीका अनुसार दुवै कम्पनीले अब खोपको आपतकालिन प्रयोगका लागि अमेरिकामा आवेदन गर्ने जनाएका छन् । विश्वका ४१ हजार मानिसमा परीक्षण गरिसकेको कम्पनीको दाबी छ । अघिल्लो हप्ता कम्पनीले खोप ९० प्रतिशत सफल रहेको दाबी गरेको थियो । भने सुरक्षाको लागि पनि कुनै चिन्ता नलिन आग्रह गरेको थियो । अझै पूरा नतिजा आउन बाँकी छ । उसले फेरि सुरक्षालाई लिएर गम्भीर असर नभएको बताएको छ ।

परीक्षणमा सम्मिलित ४२ प्रतिशत मानिस अलगअलग उमेर समूहका रहेका छन् । ४१ प्रतिशत ५६ देखि ८५ वर्ष उमेर समूहका रहेका थिए । अहिले अमेरिका, जर्मनी, टर्की, दक्षिण अफ्रिका, ब्राजिल र अर्जेन्टिनमासमेत गरी विश्वभर १ सय ५० ठाउँमा भ्याक्सिनको परीक्षण चलिरहेको छ ।

कम्पनीले सन २०२० को अन्त्यसम्ममा पाँच करोड डोज र २०२१ को अन्त्यसम्ममा एक अर्ब ३० करोड डोज उत्पादन गर्ने जनाएको छ । बेलायतले यो खोपको ४ करोड डोज अर्डर गरिसकेको छ । बेलायतले अक्सफोर्ड र एस्ट्राजेनेको खोपको पनि १० करोड डोजको अर्डर गरिसकेको छ ।


  •  
  •  
  •