नेपालीका आफन्तले ‘नो अब्जेक्सन लेटर’ नपाउने

234
  •  
  •  
  •  

काठमाडौं । संयुक्त अरब इमिरेट्स (युएई)मा कार्यरत नेपालीका आफन्तले अबदेखि भ्रमण भिसाका लागि नो अब्जेक्सन लेटर नपाउने भएका छन् ।

युएईका लागि नेपाली दूतावासले एक सूचना जारी गरी यसअघि दूतावासले दिँदै आएको त्यस्तो लेटर आइतबार देखि नपाउने बताएको छ ।

दूतावासको सूचनामा भनिएको छ, ‘संयुक्त अरब इमिरेट्सको भिजिट भिसामा आउन चाहने संयुक्त अरब इमिरेट्समा कार्यरत नेपालीहरूका नजिकका नातेदारहरू (श्रीमान् वा श्रीमती, आमा, बुवा, सासू, ससुरा र छोराछोरीलाई जारी हुँदै आएको नो अब्जेक्सन लेटर असार ३० गतेदेखि जारी गरिने छैन।’

यसअघि युएईमा जागिर गर्ने नेपालीका आफन्तहरूले भ्रमण भिसामा युएई जान चाहे भने दूतावासले नो अब्जेक्सन लेटर दिँदै आएको थियो ।


  •  
  •  
  •