काठमाडौं । काठमाडौंकाे तीनकुने सामूहिक हत्याकाण्डका आरोपीलाई प्रहरीले पक्राउ गरी सार्वजनिक गरेको छ । आइतबार बेलुकी प्रहरीले काठमाडौंमा पत्रकार सम्मेलन गरी हत्याकाण्डका आरोपी सिन्धुपाल्चोककाे बाह्रबिसे नगरपालिकाका सञ्जय भण्डारीलाई सार्वजनिक गरेको हो । घटनापछि खुकुरीसहित भागेका उनलाई सीसीटीभी फुटेजको सहयोगमा पक्राउ गरेको प्रहरीले बताएको छ । बोल्न नसक्ने भण्डारीको प्रहरीले दोभासेको सहयोगमा बयान लिएको छ ।
गएकाे शुक्रबार राति तीनकुनेको दिव्य सःमिलमा विशाल राईसहित चार जनाको धारिलो हतियार प्रहारबाट हत्या भएको थियो । प्रहरीले रिसइबीका कारण यो घटना भएको र बाँकी अध्ययन गर्दै जाने बताएको छ ।
पत्रकार सम्मेलनमा प्रहरी परिसर टेकुका प्रहरी वरिष्ठ उपरीक्षक (एसएसपी) सोमेन्द्रसिंह राठौरले स्थायी घर सिन्धुपाल्चोक भएका भण्डारी काठमाडौंकाे काँडाघारीमा रहेकाे वीरेन्द्र चोकमा बस्दै आएका बताए ।
