आकाशबाट अचानक सुन, हिरा बर्सिन थालेपछि…

354
  •  
  •  
  •  

चैत २ : तपाइँले आकाशबाट सजिव जीव माछा, गड्यौला अादि खसेको खबर त सुन्नुभएको थियो होला। तर, सुन, हिराजस्ता कराेडाै मुल्यकाे बहुमूल्य धातु बर्सिएको सायदै सुन्नुभएको होला।
याे घटना रुसको एक विमानस्थलमा भएकाे हाे। अाकाशबाट धमाधम सुन, हिरा लगायत बहुमूल्य धातु बर्सिन थालेपछि सबै कर्मचारी चकित परेका थिए।
विमानस्थलका कर्मचारीहरु छक्क परेर हेरेकाे हेर्‍यै भए। पछि बुझ्दा यो कुनै अाश्चर्यजनक घटना थिएन। विमानमा भएको प्राविधिक गडबडीका कारण अाकाशबाट बहुमूल्य धातु बर्सिएका थिए।
रुसकाे याकुस्क विमानस्थलबाट उडान भरेको केही छिनमै निम्बुस एयरलाइन्सको कार्गो विमानबाट सुन, हिरालगायत बहुमूल्य धातु बर्सिन थालेको थियो।
उडान भरिरहको उक्त विमानको ढोका अचानक खुलेपछि विमानबाट करिब तीन हजार किलो सुन, हिरा लगायत बहुमूल्य धातु खसेको थियो। विमानमा भएकोमध्ये एक तिहाइभन्दा बढी बहुमूल्य धातु त्यसरी खसेको अधिकारीहरुको भनाइ छ। अन्तर्राष्ट्रिय समाचार एजेन्सीका अनुसार खानीसम्बन्धी कम्पनीले ती धातु लैजान लागेका थिए।
अधिकारीहरुका अनुसार ढोका खुलेपछि विमानलाई करिब १२ किलोमिटर पर एउटा गाउँमा आपतकालीन अवतरण गराइएको थियो। विमानका चालक दलका सदस्यहरु सुरक्षित रहेको बताइएको छ। विमानस्थल रन–वे बन्द गरेर धातुक खोजीमा एक टोली परिचालन गरिएको छ। विमानबाट रन–वेमा खसेको बहुमूल्य धातुका भिडियो र तस्वीर सोसल मिडियामा अहिले भाइरल बनेको छ।

  •  
  •  
  •