काठमाडौं, ५ असार : डिफेन्डिङ च्याम्पियन स्पेन जारी विश्वकपको समूह चरणबाटै बाहिरिएको छ। समूह बी का सुरुआती दुवै खेल गुमाएको स्पेन समूह चरणबाटै बाहिरिएको हो । माराकाना रंगशालामा विहीबार विहान भएको खेलमा स्पेन चिलीसँग शून्यका विरुद्ध २ गोलले पराजित भयो ।
अन्तर्राष्ट्रिय फुटबलमा तीन ठूला प्रतियोगिताको पछिल्लो विजेता रहेको स्पेनले समूह बी को पहिलो खेलमा नेदरल्याण्डसँग ५ – १ ले पराजित भएको थियो।
स्पेनको हारमा गोलकिपर कासिलासको भूमिकामाथि धेरैले प्रश्न उठाएका छन् ।
चिलीले खेलको २० औं मिनेटमा एडुरर्डो भारगासको गोलले अग्रता लिएको थियो भने एरागुजले अग्रता दोब्बर पारेका थिए ।