भारतीय हस्तक्षेपविरूद्ध हस्ताक्षर संकलन

520
  •  
  •  
  •  

sign program against indiaधनगढी, १० असोज(ओएनएस) : भारतले नेपालमा हस्तक्षेप गरेको भन्दै नेकपा (एमाले)को भातृ संगठन युवा संघ नेपालले आइतबार धनगढीमा हस्तक्षेपविरूद्धको हस्ताक्षर संकलन गरेको छ ।

नेपालमा हालै जारी संविधानप्रति असन्तुष्टी जनाउँदै भारतले नेपालमाथि विभिन्न किसिमका हस्तक्षेप गरेको भन्दै युवा संघ नेपाल धनगढी नगर कमिटीले हस्तक्षेप विरुद्धको हस्ताक्षर संकलन कार्यक्रम गरेको जनाएको छ ।

युवा संघ नगर अध्यक्ष विश्वास शाहले भारतीय हस्तक्षेपविरूद्ध थालिएको हस्ताक्षर अभियानमा ८ सय बढीले हस्ताक्षर गरेको र हस्ताक्षर जिल्ला प्रशासन कार्यालय कैलालीमार्फत गृहमन्त्रालयलाई बुझाइने बताए । युवा संघका नेता तथा कार्यकर्ताहरूले भारतीय हस्तक्षेप विरूद्धका प्ले कार्ड बोकेका थिए ।

कार्यक्रममा युवा संघका सेती अञ्चल सचिव दीपक सिंह ‘वीरेन्द्र’, केन्द्रीय लेखा कमिटी सदस्य बाबुराजा श्रेष्ठ लगायतले बोलेका थिए ।
सचिव सिंहले संविधान सभाबाट ९१ प्रतिशतले पारित भई जारी भएको संविधानको भारतले उपेक्षा गरी अघोषितरुपमा नेपालमा नाकाबन्दी लगाएकोले त्यसको विरूद्धमा हस्ताक्षर अभियान थालिएको बताए ।

हस्ताक्षर अभियानमा राष्ट्रिय गीत बजाएर राष्ट्र भक्तिको सन्देश पनि दिइएको थियो ।


  •  
  •  
  •