शेयर बजार अहिलेसम्मकै सबैभन्दा धेरै कारोबार

59
  •  
  •  
  •  

काठमाडौं । बुधबार शेयर बजारमा अहिलेसम्मकै सबैभन्दा धेरै कारोबार भएको छ । बुधाबार कारोबार बन्द हुँदासम्म ४ अर्ब १५ करोड, ४८ लाख, ८३ हजार ९२ रुपैयाँको कारोबार भएको हो ।

यसअघि गएको आइतबार ३ अर्ब ६० करोड, ८५ लाख, २६ हजार ३ सय ५४ रुपैयाँको कारोबार हुँदा सबैभन्दा धेरै रकमको कारोबारको कीर्तिमान बनेको थियो । त्यसअघि फागुन ८ गते बिहीबार एकैदिन २ अर्ब ७८ करोड रुपैयाँको कारोबार भएको थियो जुन त्यस बेलासम्मको उच्च कारोबार थियो ।

बुधबार दिनभर ९९ लाख ६ हजार ९ सय ८९ कित्ता शेयर किनबेच भएका छन् ।

नेप्से परिसूचक पनि आज अस्वभाविक बढेको छ । परिसूचक झण्डै ५१ अंकले बढेर १५ सय ९६ दशमलव १३ विन्दुमा पुगेर कारोबार बन्द भएको हो ।

नेप्से परिसूचक ३ दशमलव ३ प्रतिशतले बढ्दा ‘क’ वर्गका कम्पनी कारोबार मापन गर्ने सेन्सेटिभ इन्डेक्स पनि २ दशमलव ९१ प्रतिशतले बढेको छ ।


  •  
  •  
  •