काठमाडौं २५ फागुन (ओएनएस) : नेपाली कांग्रेसको सभापतिमा शेरबहादुर देउवा सभापतिमा निर्वाचित भएका छन् । दोस्रो चरणको निर्वाचनमा कार्यवाहक सभापति रामचन्द्र पौडेललाई अध्याधिक मतले पराजित गर्दै देउवा निर्वाचित भएका हुन । देउवाले १८२२ मत पाएका छन् । रामचन्द्र पौडेलले १२९६ मत पाएका छन् । पौडेललाई ५२६ मतको अन्तरले हराउँदै देउवा सभापति बनेका हुन् ।
आइतबार भएको निर्वाचनमा देउवाले बढी मत ल्याए पनि कसैले पनि बहुमत नल्याएका कारण सोमबार फेरि निर्वाचन भएको हो । महामन्त्री कृष्णप्रसाद सिटौलाले तेस्रो मत ल्याएकाले उनी सोमबारको चुनावको प्रतिस्पर्धाबाट बाहिरिएका हुन् । सिटौलाको लगभग सबै मत देउवालाई गएको देखिएको छ ।
तीन जना उम्मेदवार भएकाले पहिलो चरणमा ५० प्रतिशन नकटाए दोस्रो चरणमा दुई बढी मत ल्याउनेबीच पुनः निर्वाचन गराउने प्रावधान विधान छ । पहिलो चरणमा देउवालाई जित्नका लागि ११ मत पुगेको थिएन ।
