खाली अक्सिजन सिलिण्डर उद्योगलाई फिर्ता गरिदिन मन्त्रालयकाे अनुरोध

53
  •  
  •  
  •  

काठमाडौं । स्वास्थ्य तथा जनसंख्या मन्त्रालयले घरघरमा राखिएका खाली अक्सिजन सिलिण्डर सम्बन्धित उद्योगलाई फिर्ता गरिदिन अनुरोध गरेको छ। मन्त्रालयले एक सूचना जारी गर्दै घरमा, टोलमा र विभिन्न आइसोलेसन सेन्टर तथा अस्पतालहरूमा रहेका खाली सिलिण्डर उद्योगलाई फिर्ता गर्न आग्रह गरेको हो।

मन्त्रालयले अक्सिजन सिलिण्डरहरू देशका विभिन्न भागमा, व्यक्तिको घर-घरमा पुगेको भन्दै त्यसले अक्सिजनको आपूर्ति प्रणालीलाई असर गर्ने भन्दै यथाशीघ्र सिलिण्डर फिर्ता गर्न भनेको छ।

‘जुनसुकै व्यक्ति, संस्था, निकायहरूले जुनसुकै बहानामा लैजानु भएका अक्सिजन सिलिण्डरहरू यथासक्य चाँडो जुन उद्योगको सिलिण्डर हो सोही उद्योगमा भर्नका लागि उपलब्ध गराइदिनुहुन अनुरोध छ,’ सूचनामा भनिएको छ।


  •  
  •  
  •