संसद बैठकः निर्मला पन्तको हत्यारा सार्वजानिक गर्नुपर्ने मागसहित थप उठे यस्ता माग

34
  •  
  •  
  •  

काठमाडौं, ३१ भदौँ (ओएनएस) : निर्मला पन्तको हत्यारा सार्वजानिक गर्नुपर्ने मागसहित थप यस्ता उठे माग संसद बैठकमा निर्मला पन्तको हत्यारा सार्वजानिक गर्नुपर्ने मागसहित सांसदहरुले प्रकृतिक प्रकाेपले विस्थापितहरुकाे उचित ब्यवस्थापन गर्न मागसमेत गरेका छन्। अाइतबार बसेकाे प्रतिनिधिसभाको बैठकमा अधिकांस सांसदहरु शून्य समयमा बाेल्दै बलात्कारपछि हत्या गरिएकी कञ्चनपुरकी निर्मला पन्तको हत्यारा तत्काल सार्वजानिक गर्न सरकारसित जाेडदार माग गरेका छन् ।

उनीहरुले सुर्खेतमा रहेको यातायात व्यवस्था कार्यालयलाई स्तरोन्नति गर्न, लमजुङ् जिल्लाको उत्तरी भेगमा भदौ २७ गते गएको पहिरोमा परी मृत्य भएका परिवारलाई राहतको व्यवस्था मिलाउन र नेपाली बैँकमा रहेको रु आठ करोड भारतीय नोट सटही व्यवस्था मिलाउन सदन मार्फत् सरकारको ध्यानाकर्षण गराए ।

साथै नुवाकोटको दुप्चेश्वरमा भदौ २७ गते गएको पहिरोमा परी ११ घरमा क्षति पुगेकाले ती घरपरिवारलाई राहत व्यवस्था मिलाउन, दैलेख जिल्लामा दरबन्दीअनुसार चिकित्सा व्यवस्था मिलाउन पनि उनीहरुले माग गरेका छन् ।

शून्य समयमा बोल्ने सांसदहरुमा टेकबहादुर बस्नेत, तेजुलाल चौधरी, दिलकुमारी, दुर्गाकुमारी विश्वकर्मा, देवप्रसाद गुरुङ, नविताकुमारी चौधरी, नवराज सिलवाल, नारायणप्रसाद खतिवडा, पवित्रा निरौला खरेल, पार्वत गुरुङ, पार्वतीकुर्मी विसङ्खे, पुष्पा भुषाल, प्रभु साह, प्रमिला राई र प्रेमप्रसाद तुलाचन रहेका थिए ।


  •  
  •  
  •