विश्व रंगमञ्च दिवस नेपालमा पनि मनाइँदै

644
  •  
  •  
  •  

काठमाडौं, १३ चैत(ओएनएस) : विश्व रंगमञ्च दिवस नेपालमा पनि विभिन्न कार्यक्रम गरी मनाइँदैछ ।
सन् १९६१ मा अन्तर्राष्ट्रिय रंगमञ्च इन्ष्टिच्यूटले यो दिवसको अवधारणा ल्याएपछि हरेक वर्षको मार्च २७ तारिखमा विश्व रंगमञ्च दिवस मनाइन्छ ।

सन् १९६२ मा पहिलो विश्व रंगमञ्च दिवसको सन्देश फ्रान्सका प्रसिद्ध नाटकार जेन ककटेउले लेखेका थिए । दिवसको अवसरमा नेपालका विभिन्न स्थानमा कार्यक्रमहरू आयोजना हुने गरेका छन् । यो दिवसलाई हरेक वर्ष रंगकर्मीहरूले नाटकमार्फत् मनाउँदै आएका छन् ।

संस्कृति, संरक्षण र शान्ति स्थायित्वलाई जोड दिँदै विकृति विसंगतिलाई हटाउन नाटकमार्फत् उत्प्रेरणा जगाउने उद्देश्यले यो दिवस मनाउन थालिएको हो । नेपालमा पछिल्लो समयमा रंगमञ्चप्रति आकर्षण बढ्दै गएको पाइएको छ ।

पहिले काठमाडौंमा मात्र सीमित रंगमञ्च अहिले बाहिरी जिल्लामा पनि फस्टाउन थालेको रंगकर्मीहरू बताउँछन् ।


  •  
  •  
  •