भक्तपुर, ३० फागुन(ओएनएस) : सुर्यबिनायक नगरपालिका–६, नयाँबस्तीमा निर्माणाधीन राधाकृष्ण मन्दिरको निर्माणका लागि महायज्ञ गरिने भएको छ ।
मन्दिर निर्माणको लागि आगामी चैत २ गतेदेखी ९ गतेसम्म श्रीमद् भागवत सप्ताह विराट ज्ञान महायज्ञ लगाइने भएको हो । महायज्ञमा पण्डित शिव प्रसाद सापकोटाबाट भागवत वाचन गर्ने आयोजक समिति कोषाध्यक्ष बद्रि भट्टराईले जानकारी दिएका छन् ।
महायज्ञमा दैनिक भजनकीर्तन, प्रवचन, झाँकीहरु तथा संगीतमय साँस्कृतिक कार्यक्रम समेत प्रदर्शन हुने उनले जानकारी दिएका छन् । सो अवसरमा चैत्र १ गते कलशयात्रा समेत गरिने भट्टराईले बताए । भागवतको आयोजन सिपाडोल क्षेत्र समाज र सिपाडोल नयाँ बस्ती टोल सुधार समितिले गरेको हो ।
