कतारबाट १५० नेपाली स्वदेश फर्किए

43
  •  
  •  
  •  

काठमाडौं । कोभिड–१९ का कारण कतारमा अलपत्र १५० नेपाली आइतबार स्वदेश फर्किएका छन् । आठ जना महिलासहित १५० जना नेपाल फर्किएका हुन् ।

तत्काल स्वदेश फर्कनै पर्ने अवस्थाका नेपालीले राजदूतावासले तोकेको फाराम भरेर तथा विभिन्न माध्यमबाट आफ्नो विवरण दूतावासमा बुझाएका थिए ।

त्यसैका आधारमा प्राथमिकता निर्धारण गरी उनीहरूलाई स्वदेश फर्काइएको हो ।

दोहाबाट काठमाडौंका लागि नेपाल एयरलाइन्सको आरए २३९२ को चार्टर्ड उडानबाट उनीहरु स्वदेश फर्किएका हुन् ।

उक्त चार्टर्ड उडान दोहाबाट भएको २१औं उडान उडान हो ।

सरकारले ‘कोभिड–१९ को विश्वव्यापी संक्रमणका कारण वैदेशिक रोजगारीका क्रममा अलपत्र परेका नेपाली कामदारको उद्धार गरी स्वदेश फिर्ता गर्नेसम्बन्धी निर्देशिका, २०७७’ स्वीकृत गर्दै विदेशमा अलपत्र नेपालीलाई उद्धार सुरु गरेको छ ।

निर्देशिकाको दफा ६ अनुसार आफ्नै खर्चमा नेपाल फर्कन नसकी अलपत्र परेका कामदारका लागि कोषबाट स्वदेश फिर्ताका लागि रकम व्यहोर्ने जनाइएको छ ।


  •  
  •  
  •