काठमाडौँ, २७ फागुन(ओएनएस) : राष्ट्रपति विद्यादेवी भण्डारीले नेपालका लागि बेलायतका राजदूत रिचर्ड मोरिससँग भेट गरेकी छन् ।
राष्ट्रपति कार्यालयमा भएको भेटका क्रममा दुईबीच आगामी चैतमा हुने राजकुमार ह्यारीको पहिलो औपचारिक भ्रमणका विषयमा केन्द्रित भएको राष्ट्रपति कार्यालयले जनाएको छ । साथै दुई देशबीचको आपसी सम्बन्ध, सहयोग र हितका विषयमा छलफल भएको राष्ट्रपति कार्यालयद्वारा जारी विज्ञप्तिमा उल्लेख छ ।
यस्तै, नेपाल र बेलायतबीचको सम्बन्धलाई सुदृढ बनाउनुपर्ने विषयमा समेत छलफल भएको विज्ञप्तिमा उल्लेख गरिएको छ ।
