प्रचण्ड-बाबुराम बार्ता, शनिवार पनि भएन सहमति

147
  •  
  •  
  •  

काठमाडौँ, २४ साउन (ओएनएस) : पार्टी भीत्र देखिएको विबाद समाधान गर्न एकीकृत नेकपा माओवादीका शीर्ष नेताबीच शनिवार भएको बैठकपनि निश्कर्षहीन भएको छ ।

अध्यक्ष पुष्पकमल  दाहाल प्रचण्डको निबास लाजिम्पाटमा प्रचण्ड र डा बाबुराम भट्टराईबीच भएको छलफल बिना निश्कर्ष सकिएको हो । आईतबार पुनः छलफल गर्नेगरी भट्टराई  बाहिरिएका थिए ।

पार्टी भीत्र देखिएको विबाद कसरी समाधान गर्ने भन्ने बिषयमा दुइ नेताबीच भएको छलफल सकारात्मक रहेको प्रचण्ड निकट स्रोतले दाबी गरेको छ । भट्टराई पक्षले भने कुनै सहमति नभएको बताएको छ ।

आईतबार बिहान भट्टराईको निवास सानेपामा दुई नेताबीच छलफल हुने तय भएको प्रचण्डका सहयोगीहरुले बताएका छन् । पार्टी भीत्र देखिएको विबाद समाधान गर्न उपाध्यक्ष नारायाणकाजी श्रेष्ठ समेत सक्रिय छन् ।

जिल्लामा समानान्तर कमिटि गठन गरेको भन्दै भट्टराई पक्षका केन्द्रीय सदस्य गंगा श्रेष्ठ र रामरिझन यादवलाई निलम्बन गरिएपछि माओवादी भीत्रको विबाद उत्कर्षमा पुगेको छ ।


  •  
  •  
  •