राजतन्त्रकालमा गुमाएको नेपाली भूभाग गणतन्त्रले फिर्ता लिनेछ : प्रचण्ड

265
  •  
  •  
  •  

काठमाडौं । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डले राजतन्त्रले गुमाएको नेपाली भूमि गणतन्त्रले फिर्ता ल्याउन संविधान संशाेधन गर्न लागिएको बताएका छन् ।

संसदमा दोस्रो संविधान संसोधन विधेयकमाथिको दफावार छलफलका क्रमको शुरुमै बोल्दै प्रचण्डले नेपालको संविधान संसोधनका लागि सबै दलको सहमति भएको भदै खुसी व्यक्त गरे । लोकतन्त्र, संघीयतालाई मजबुत बनाउन सबै दल मिल्नुको विकल्प नभएको उनको भनाइ छ ।

प्रचण्डले भने, ‘कसैले जश लिने र अपजश लिने भन्दा पनि नेपाली जनताले गर्दै आएको केन्द्रिकरणको रुपमा देशको गमेको भूभाग फिर्ता लिन नयाँ चरणमा आइपुगेका हौं । यति गम्भिर राष्ट्रिय विषयलाई सर्वदलीय सहमति बनाउँदै अहिले सरकारले संविधान संसोधनद्वारा संविधानमा रहेको नक्सा सच्याउने पहलकदमीलाइए धन्यवाद भन्न चाहन्छु ।’

उनले सबै राजनीतिक दल, नेपाली जनतालाई पनि बधाई दिएका छन् । उनले भने, ‘सामूहिक विवेकको प्रतिफल हो । यो कुनै व्यक्ति विषेको मुद्धामा मात्रै पनि होइन । यो कुनै व्यक्ति विषेशले मात्रै गरेर हुने काम पनि होइन ।’

प्रचण्डले भने, ‘नक्सा प्रकाशित गर्नुभन्दा अघि नै वार्तामार्फत् समस्याको समाधान हुन्छ भन्ने विश्वासमा थिए । तर वार्ता हुन सकेन । बरु भारतका जिम्मेवार मन्त्रीबाट विवादति क्षेत्रबाट जाने बाटो लकडाउनका बेला उद्घाटन भयो । नेपालले गरेको वार्ताको प्रस्तावमा सकारात्मक पहल गर्नुको साटो बाटे उद्घाटन गर्दा नेपालीको भावनालाई अलिअलि चुनौती दिएकोजस्तो अलिअलि उद्देलित बनाएको हो । ‘


  •  
  •  
  •