काठमाडौं । प्रभु लाइफ इन्स्योरेन्सको शेयर नेप्सेमा सूचीकृत भएको छ । सर्वसाधारणमा जारी गरेको आइपीओ समेत गरी २ करोड कित्ता शेयर नेपाल स्टक एक्सचेञ्जमा सूचीकृत भएको हो । पुस १७ गते नेपाल स्टक एक्सचेञ्ज (नेप्से) र उक्त कम्पनीबीच सूचीकरण सम्झौता भएको थियो। सोहि अनुसार नेप्सेले कम्पनीको शेयर सूचीकरण गरेको हो। यसअनुसार सूचीकरण भएको दोस्रो दिन अर्थात आइतबारबाट कम्पनीको शेयर दोस्रो बजारमा खरिद बिक्री हुनेछ।
कम्पनीको शेयर दोस्रो बजारमा कारोबार गर्नको लागि पिएलआई ट्रेडिङ कोड पाएको छ भने पहिलो कारोबारको लागि १०९ रुपैयाँ ५६ पैसादेखि ३२८ रुपैयाँ ६८ पैसासम्मको ओपनिङ्ग रेञ्ज पाएको छ।
