काठमाडौं । अस्ट्रेलियामा नेकपा एकीकृत समाजवादी निकट प्रवासी मञ्च गठन भएको छ । ११ नोभेम्बर ११ अर्थात् कात्तिक २५ गते नेकपा(एकीकृत समाजवादी)सम्बद्ध प्रवासी मञ्च अष्ट्रेलिया कमिटीको बैठक एनएसडब्लू बर्वुड पार्क सिड्नीमा मञ्चका अद्यक्ष अच्युत थपलियाको अध्यक्षता र ओएनयूएफ अन्तर्राष्ट्रिय समितिका महासचिव ध्रुव सुवेदीको प्रमुख आतिथ्यतामा सम्पन्न भएको हो ।
बैठकले नेपाली मौलिक, सांस्कृतिक तथा धार्मिक चाडहरूको सन्दर्भमा शुभकामना आदान–प्रदान, हालै जाजरकोट केन्द्रविन्दु भइ ६.४ रेक्टरको विनाशकारी भूकम्प, समसामयिक राजनीतिबारे छलफल गर्नुका साथै मञ्चको न्यू साउथ वेल्स अस्ट्रेलिया प्रान्तिय १५ सदस्यीय कमिटीमध्ये २ जनापछि मनोनित गर्नेगरी रामुकान्त अर्यालको संयोजकत्वमा १३ सदस्यीय कमिटी गठन समेत गरेको छ ।
कमिटीको सचिवमा सरोज नेपाली, कोषाध्यक्षमा दीपासना भूषाल कन्डाल, सदस्यहरुमा नविन तिमल्सिना, टपेश रावल, प्रदिप दिक्षित, दिव्याश राई, सुमन खत्री, कृष्टी रसाईली, तिलक पोख्रेल, पेमा शेर्पा, दीपक सडौल र अदिती गौतम रहेका छन् ।
नवगठित कमिटीका पदाधिकारी तथा सदस्य कमरेडहरूलाई सफल र प्रभावकारी कार्यकालको शुभकामनासहित उक्त महत्वपूर्ण बैठकमा अतिथिको रूपमा प्रवासी नेपाली एकता मञ्च अस्ट्रेलियाका महासचिव उद्दव खड्काले आफ्ना भनाइ राखेका थिए ।
