विप्लव निकट किसान संघका जिल्ला अध्यक्ष पक्राउ

588
  •  
  •  
  •  

पाल्पा, ५ वैशाख(ओएनएस) : प्रतिबन्धित विप्लव नेतृत्वको नेकपा निकट किसान संघ पाल्पाका अध्यक्षलाई प्रहरीले पक्राउ गरेको छ ।

तानसेन नगरपालिका – ८ मदनपोखरा निवासी टोपराज बस्याललाई बिहीबार बिहान प्रहरीले पक्राउ गरेको हो ।
पक्राउ परेका बस्याल विप्लव नेतृत्वको पार्टी नेकपाका जिल्ला सदस्य तथा किसान संघका केन्द्रीय समस्य समेत रहेको प्रहरीले जनाएको छ ।

बिहीबार बिहानै रिब्दीकोट गाउँपालिकाको भवनमा बम विस्फोट भएपछि उनलाई प्रहरीले पक्राउ गरेको स्थानीयले जनाएका छन् ।

यसअघि गत शुक्रबार पनि विप्लव नेतृत्वको नेकपा निकट शिक्षक संगठन, पाल्पाका अध्यक्ष विजय बुढामगरलाई जिल्ला प्रहरी कार्यालय पाल्पाले पक्राउ गरेको थियो । बुढामगरमाथि पनि अनुसन्धान भैरहेको प्रहरीले जनाएको छ ।


  •  
  •  
  •