काठमाडौं । ओमानले एक साताका लागि आफ्नो हवाई र स्थलमार्ग बन्द गरेको छ ।
हाल विश्वमा कोरोनाभाइरसले उत्परिवर्तन गर्दै नयाँ–नयाँ स्वरूप लिएको र केही मुलुकहरूमा उक्त नयाँ स्वरूपको कोरोनाभाइरस फेला परेको भन्दै मंगलबारदेखि लागू हुने गरि एक साताका लागि ओमानले सम्पूर्ण हवाई/स्थलमार्गबाट हुने आवागमन बन्द गरेको हो ।
उक्त अवधि पश्चात भाइरसको विस्तार र फैलावटको अवस्थाको आधारमा आगामी निर्णय लिइने ओमान सरकारले जनाएको छ ।
यसैबीच ओमानस्थित नेपाली राजदूतावासले तत्काल ओमान–नेपाल तथा नेपाल–ओमानको यात्राका क्रममा रहेका सम्बन्धित सबैले सोही बमोजिम व्यबस्थापन गर्न आग्रह गरेको छ । यसअघि सोमबार सबै अन्तर्राष्ट्रिय उडान एक हप्ताका लागि बन्द गरिसकेको छ ।
