नयाँ नोट अब दशैंसँगै यी चाँडबाडमा पनि साट्न पाइन्छ

55
  •  
  •  
  •  

काठमाडौं, २६ कात्तिक (अाेएनएस) : नयाँ नोट अब दशैंसँगै दर्जनाै चाँडबाडमा साट्न सकिने भएकाे छ। नेपाल राष्ट्र बैंकले दशै तिहारका अलवा अन्य चाँडबाडमा पनि नयाँ नोट साट्न सक्ने व्यवस्था गर्न लागेकाे छ ।

देशका विभिन्न जातजाति र चाडपर्वको सम्मान स्वरुप नयाँ नोटको व्यवस्था गर्न लागिएको राष्ट्र बैंकले जनाएको छ ।

दशैंसँगै नयाँ वर्ष, उभौली पर्व, बुद्ध जयन्ती, फाल्गुनन्द जयन्ती, गुरु नानक जयन्ती, जितिया पर्व, योमरी पुन्ही ज्यापु दिवस, ल्होसार, क्रिसमस, माघी पर्व, महाशिवरात्री, घोडे जात्रा, इद लगायतका राष्ट्रिय पर्वमा नयाँ नोट सटहीको व्यवस्था मिलाइने मुद्रा व्यवस्थापन विभागले जनाएको छ ।

नयाँ नोट साट्नका लागि नेपाल राष्ट्र बैंकको मुद्रा व्यवस्थापन विभाग थापाथली लगायत उपत्यका बाहिरका नेपाल राष्ट्र बैंकको कार्यालयहरु विराटनगर, जनकपुर, विरगंज, पोखरा, सिद्धार्थनगर, नेपालगंज र धनगढीबाट पाइन्छ ।


  •  
  •  
  •