नेकपा मसालले भन्याे-‘मोदीलाई अाैपचारिक नेपालमा स्वागत गर्नु हुँदैन्’

267
  •  
  •  
  •  

काठमाडौं, १७ वैशाख (ओएनएस): नेपाल कम्युनिस्ट पार्टी मसालले  भारतीय प्रधानमन्त्री नरेन्द्र मोदीलाई अाैपचारिक रुपमा नेपालमा स्वागत गर्नु राष्ट्रिय स्वाभिमानविरुद्ध हुने बताएको छ ।

नेकपा मसालले सोमबार प्रेस विज्ञप्ति निकालेर उक्त कुरा बताएकाे हाे।

मसालका महामन्त्री मोहनविक्रम सिंहले सोमबार विज्ञप्ति निकालेर भनेका छन्, ‘हाम्रो पार्टीको यो स्पष्ट र दृढ मत छ कि उनलाई नेपालमा स्वागत गर्नु नेपालको राष्ट्रिय स्वाभिमान र सम्मानका विरुद्धको कुरा हुनेछ ।’

मोदीको नेपाल भ्रमणको उद्देश्य विस्तारवादी नीति अन्तर्गत नै हुन लागेको मसालको ठहर छ ।

नेपालविरुद्ध नाकाबन्दी लगाएको, नेपालको संविधानविरुद्ध अन्तर्राष्ट्रिय अभियान चलाएको, तराईलाई नेपालबाट अलग गराउन पृथकतावादी समूहलाई उक्साउने काम गरेको, नेपालको संविधान जारी हुन नदिन मोदी सरकारले विभिन्न काेणबम दवाव दिएको र नेपालमा आफ्नो एकलौटी बजार कायम गर्न अहिलेसम्म पारवहन सन्धिलाई पनि अनुमोदन नगरेको जारी विज्ञप्तिमा उल्लेख गरिएकाे छ।

‘मोदी कुनै पनि अवस्थामा नेपालका मित्र होइनन्, त्यसैले हामीले उनको सरकारी वा गैरसरकारीस्तरमा स्वागत गर्ने कुनै पनि कार्यको कडा शब्दमा विरोध गर्दछौं।’ जारी विज्ञप्तिमा लेखिएको छ

मोदी वैशाख अन्तिम साता नेपाल आउने तयारीमा छन् तर सरकारले भ्रमणको कार्यसूची सार्वजनिक गरेको छैन ।


  •  
  •  
  •