काठमाडौं । बारमा जानु, झुम्नु, रमाउनु अब काठमाडौंको दैनिकीको एक हिस्सा भैसकेको छ । बार र लाउन्जमा पनि लाइभ गीत गाउने र त्यसैमा रमाउनेहरु संख्या उल्लेख्य बढेको छ ।
अब नाइट क्लबहरुमा जाने संकृति कुनै कानेखुसीको विषय रहेन । एक समय नेपालमा नाइट बार र डान्स बारमा हाइ डिमाण्ड रहने गरेको आवाज हो, नर्वदा लकान्द्री । एकै दिनमा पनि उनी ३–४ वटा लाउन्जमा लाइभ प्रस्तुति दिन जान्थिन् ।
नेपालमा लाइभ म्युजिकमा राम्रो गर्दा गर्दै उनी जापान गएकी थिइन् । नयाँ रिस्क लिने बानि भएको कारण सानै उमेरमा उनी लाइभ म्युजिकमा छिटो प्रगती हासिल गर्दै हाल जापानमा पनी आफ्नो मिठो आवाजको जादु चलाएकी छन् ।
आफ्नै गीत निकाल्ने तयारीमा
विगत ३–४ वर्ष देखि स्टेज र बारमा उनले चर्चित गीतहरु गाउने गरेकी थिइन् । नेपाल आइडलमा प्रतिष्पर्धा गर्न काठमाडौं आएकी नर्वदा लकान्द्री नेपाल आइडलमा त गइनन् तर गीतकै क्षेत्रमा संघर्षरत थिइन् ।
गीत संगीतकै क्षेत्रमा भविष्य खोज्ने क्रममा उनले चर्चित युट्युब सो ’ब्लाइण्ड डेट’ खेल्नु भएको थियो । उक्त सो युवा माझ निकै नै हिट भएको थियो ।
ब्लाइण्ड डेटबाट आफ्नो परिचय फराकिलो बनाउँदै गएको नर्वदाले पछि केही म्युजिक भिडियोमा पनि मोडलिङ गरेकी थिइन् । हाल जापान रहनु भएकी नर्वदा लकान्द्रीले आफ्नै स्वरमा सोलो गीत निकाल्ने तयारीमा छिन् ।
