‘नेकपा समुद्र हो, छाल आउँछ, छाल आयो भन्दैमा आत्तिनु हुँदैन’

64
  •  
  •  
  •  

ताप्लेजुङ । नेपाल कम्युनिष्ट पार्टी(नेकपा)का स्थायी कमिटी सदस्य योगशकुमार भट्टराईले पार्टी कुनै पनि हालतमा नफुट्ने बताएका छन् ।

गृह जिल्ला ताप्लेजुङको आठराई त्रिवेणी गाउँपालिकामा बुधबार आयोजित नेता तथा कार्यकर्ता भेटघाट कार्यक्रममा संस्कृति पर्यटन तथा नागरिक उड्डयनमन्त्री भट्टराईले ठूलो पार्टीमा सामान्य विवाद जस्तो देखिए पनि कुनै हालतमा पार्टी नफुट्ने बताए ।

उनले भने, ‘नेकपा समुद्र हो, समुद्रमा छाल आउँछ, त्यहीँ बिलाउँछ, छाल आयो भन्दैमा आत्तिनु हुँदैन ।’

पार्टीका नेता तथा कार्यकर्तालाई विचलित नहुनसमेत मन्त्री भट्राईले आग्रह गरे । नेताहरुले आ-आफ्नातर्फबाट त्याग गरी पार्टी जोगाउनुपर्ने उनले बताए । पार्टी एकता कायम गर्नका लागि जनदबाव सिर्जना गर्न नेता तथा कार्यकर्तालाई उनले आग्रहसमेत गरे ।


  •  
  •  
  •