काठमाडौं २१ असार (ओएनएस) : अभिनेत्री मिथिला शर्मा र पूर्व आइजिपी मोतिलाल बोहोराबीच इंगेजमेन्ट भएको छ। ५० वर्षीया अभिनेत्री एवं नृत्यांगना शर्माले ७४ वर्षीय बोहोरासँग बिहे गर्न लागेकी हुन्।
इन्गेजमेट्को फोटो ट्विटरमा सार्वजनिक भएको हो। सिमित पारिवारिक सदस्यका साथ गरिएको इन्गेजमेन्टमा दुबैले टिकाटालो गरेका हुन्। यद्यपी विहेको मिति भने तय भएको छैन। मिथिला शर्माले लामो समय नेपाल प्रहरीको महेन्द्र पुलिस क्लबमा नृत्यांगना र निर्देशक भएर काम गर्ने क्रममा बोहारासँग उनको चिनाजान भएको थियो ।
केही समयपछि विवाह बन्धनमा बाधिन लागेको यो जोडीले यसलाई बिहे भन्नुभन्दा पनि जीवनको उत्तरार्द्धमा साथीको खोजी गरेको बताएका छन्। मिथिला र बोहोरा लामो समयदेखि चिनजानमा छन्। बोहोराकी पत्नीको एक वर्षअघि निधन भएको थियो। मिथिलाको यसअघि बिहे भएको छैन।
