काठमाडौं । काठमाडौं उपत्यकाको न्यूनतम तापक्रम बिहीबार बिहान ५.५ डिग्री सेल्सियस मापन गरिएको छ । मौसम पूर्वानुमान महाशाखका अनुसार देशभर न्यूनतम तापक्रम घटिरहेको छ ।
बुधबार बिहान काठमाडौं उपत्यकाको न्यूनतम तापक्रम ५.८ डिग्री सेल्सियस मापन गरिएको थियो ।
बिहीबार देशका पश्चिमी, मध्य र पूर्वी पहाडी क्षेत्रको मौसम आंशिकदेखि सामान्य बदली रहने मौसमविद्ले बताएका छन् । पश्चिमी क्षेत्रमा विकास भएको कमजोर पश्चिमी न्यूनचापीय प्रणालीको असरले पश्चिमी, मध्य र पूर्वी पहाडी क्षेत्रको मौसम आंशिकदेखि सामान्य बदलीको सम्भावना देखिएको महाशाखाले जनाएको छ ।
यस्तै, महाशाखाले बिहीबार जारी गरेको मौसमी बुलेटिन अनुसार शुक्रबार र शनिबार पनि देशको पश्चिमी, मध्य र पूर्वी पहाडी क्षेत्रको मौसम आंशिकदेखि सामान्य बदलीको अवस्थामा रहने छ ।
मौसम विश्लेषण) Meteorological Analysis):-
हाल नेपालमा उल्लेखनिय मौसमी प्रणाली सक्रिय छैन।
मौसमको अवस्था )Present Weather Status):
हाल देशको पश्चिमी भू-भाग तथा मध्य र पूर्वी पहाडी भूभागमा आंशिक देखि सामान्य बदलि रही बाँकी भूभागमा आंशिक बदलि रहको छ ।
आगामी तीन दिनको मौसम पूर्वानुमान
मंसीर १९ गते (बिहिबार)
दिउँसो: देशको पश्चिमी भू-भाग तथा मध्य र पूर्वी पहाडी भूभागमा आंशिक देखि सामान्य बदलि रही बाँकी भूभागमा आंशिक बदलि रहनेछ ।
राती: देशको पश्चिमी पहाडी भूभागमा आंशिक देखि सामान्य बदलि रही बाँकी भूभागमा आंशिक बदलि रहनेछ ।
मंसीर २० गते (शुक्रबार)
दिउँसो: देशको मध्य र पूर्वी भू-भाग तथा पश्चिमी पहाडी भूभागमा आंशिक देखि सामान्य बदलि रही बाँकी भूभागमा आंशिक बदलि रहनेछ ।
राती: देशको मध्य र पूर्वी भूभागमा आंशिक देखि सामान्य बदलि रही बाँकी भूभागमा मौसम सामान्य सफा रहनेछ ।
मंसीर २१ गते (शनिबार)
दिउँसो: देशको मध्य र पूर्वी पहाडी भू-भागमा आंशिक देखि सामान्य बदलि रही बाँकी भूभागमा आंशिक बदलि रहनेछ ।
राती: देशको मध्य र पूर्वी पहाडी भू-भागमा आंशिक बदलि रही बाँकी भूभागमा मौसम सामान्यतया सफा रहनेछ ।
आगामी २४ घण्टाका लागि चेतावनी तथा परामर्श (Warning/Advisory for next 24 hrs.):–
छैन।
