काठमाडौं । निर्देशक सुदर्शन थापाद्वारा निर्देशित ‘म यस्तो गीत गाउँछु २’ को ‘तिम्रो घरको वरिपरि’ गीत सार्वजनिक भएको छ ।
संगीतकार अर्जुन पोखरेलको शब्द तथा संगीत रहेको गीतमा सोनम तोप्देन र अस्मिता अधिकारीको स्वर रहेको छ ।
नेपाल र भारतको सिमानामा पर्ने सन्दकपुर गाउँ, पानीटारको चियाबारी, इलाम, पाँचथर लगायतका स्थानमा सात दिन लगाएर खिचिएको गीतको भिडियोमा फिल्मका प्रमुख अभिनेता पल शाह र अभिनेत्री पूजा शर्मा रोमान्टिक अवतारमा प्रस्तुत छन् भने, पाँच सयभन्दा बढी कोरसले नृत्य गरेका छन् । सौरभ लामाले खिचेको गीतका कोरियोग्राफर रामजी लामिछाने हुन् ।
‘म यस्तो गीत गाउँछु २’ फागुन २३ गतेलाई प्रदर्शनमा आउँदैछ । हरिहर शर्मा, दिनेश डिसी, राजा राजेन्द्र पोखरेल, सोनिका रोकायलगायतका कलाकारहरुको फिल्ममा अभिनय छ । शिवम अधिकारी र दिनेश न्यौपानेले फिल्मको कथा लेखेका हुन् । पूजा र सुदर्शन फिल्मका निर्माता हुन् ।
