काठमाडौं उपत्यकामा कोरोना संक्रमण बढेसँगै रातो मच्छिन्द्रनाथको रथारोहण रोकियो

58
  •  
  •  
  •  

काठमाडौं । काठमाडौं उपत्यकामा पछिल्लो समय कोरोना संक्रमितको संख्या बढेपछि बुधबार हुने भनिएको रातो मच्छिन्द्रनाथको रथारोहण रोकिएको छ ।

कोरोनाका कारण गुठी संस्थान ललितपुरले बुधबारका लागि निर्धारण गरिएको रथारोहण स्थगित गर्न निर्देशन दिएको हो ।

जिल्ला प्रशासन कार्यालयको निर्णय अनुसार रथारोहण स्थगित गर्न निर्देशन दिइएको गुठी संस्थान ललितपुरले जनाएको छ । कोरोनाका कारण रोकिएको रथ निर्माणसँगै ज्योतिषले असार २४ गते रातो मच्छिन्द्रनाथको मूर्ति रथारोहण गर्ने साइत निकालेपछि सोही अनुसार तयारी गरिएको थियो ।

तर गुठीको पत्र आएपछि पूर्वनिर्धारित कार्यक्रम स्थगित भएको छ । अब कोरोना संक्रमण कम भएपछि प्रशासनको परामर्शमा मात्रै रथारोहणको नयाँ साइत निकालिने बताइएको छ । जिल्ला प्रशासन कार्यालयले यसअघि नै रथारोहणको साइत निकल्दा परामर्श नगरिएको भन्दै असन्तुष्टि जनाएको थियो ।

चैत २७ गते महास्नान गरेर वैशाख १२ गते पुल्चोकमा रथारोहण गर्नुपर्ने भएपनि लकडाउनका कारण रथ निर्माण हुन नसकेपछि रोकिएको छ । अहिले मच्छिन्द्रनाथको मूर्तिलाई मच्छिन्द्रबहालमा रहेको भजनपाटीमा राखिएको छ ।


  •  
  •  
  •