नेकपामा प्रवेश गरेपछि पोलिट्ब्युरो सदस्य राई कारबाहीमा(विज्ञप्तिसहित)

310
  •  
  •  
  •  

काठमाडौं । नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीका पोलिट्ब्यूरो सदस्य पदम राई सत्तारुढ नेकपामा प्रवेश गरेपछि कारबाहीमा परेका छन् ।

नेकपाका प्रवक्ता खड्कबहादुर विश्वकर्मा ‘प्रकाण्ड’ले एक विज्ञप्ति प्रकाशित गर्दै पार्टीविरुद्धको गतिविधिमा संलग्न रहेको भन्दै नेता राईलाई कारबाही गरेको बताएका छन्।

प्रकाण्डद्वारा जारी विज्ञप्तिमा भनिएको छ, ‘रुपान्तरण र उपचारको अथक प्रयास गर्दागर्दै असम्भव भएपछि र पार्टी नीति र कार्यक्रमको विरुद्ध गएपछि गत स्थायी समिति बैठकले निलम्बन गरेका पदम राई झन् झन् पार्टीको विरुद्ध अन्तरध्वंस र अपराधपूर्ण कार्यमा संलग्न भएकाले साधरण सदस्य समेत नरहने गरी निष्काशन गरिएको छ ।’

विज्ञप्तिमा क्रान्तिको प्रक्रियामा पलायन स्वभाविक भएको भन्दै कारबाहीमा परेर, पालयन भएर सरकारको मतियार बनेका तत्वको भ्रमममा नपर्न समेत आग्रह गरिएको छ।

राई आइतबार एक कार्यक्रमका बीच सत्तारुढ नेकपामा प्रवेश गरेका थिए ।
हेर्नुहोस् विज्ञप्ति


  •  
  •  
  •