काठमाडौं । प्रचण्ड–नेपाल समूहको नेकपाका विद्यार्थीले खोनपानी मन्त्री मणि थापालाई कालो झण्डा देखाएका छन्।
ओली समूहको पार्टी प्रशिक्षणका लागि जाजरकोट पुगेका मन्त्री थापालाई विद्यार्थीले कालो झण्डा देखाएका हुन् । संसद् विघटन भएपछि उनी खानेपानी मन्त्री नियुक्त भएका हुन् । प्रचण्ड–माधव समूह छोडेर ओली समूहमा गएर मन्त्री भएका थापालाई कालो भण्डा देखाएर सरकारविरुद्ध दोस्रो चरणको आन्दोलनको शुरू गरेको अखिलका विद्यार्थी नेता सुरेन्द्र बस्नेतले बताएका छन् ।
प्रतिनिधि सभा विघटनपछि प्रचण्ड-नेपाल पक्षधर सडक संघर्षमा उत्रिएको छ। अखिलले पनि सडक संघर्षका कार्यक्रम सार्वजनिक गरिसकेको छ। प्रधानमन्त्री केपी शर्मा ओलीले गत पुस ५ गते असंवैधानिक रुपमा प्रतिनिधि सभाको विघटन गरेको भन्दै अनेरास्ववियुले मंगलबार प्रेस विज्ञप्ति जारी गरेर आन्दोलन कार्यक्रम सार्वजनिक गरेको थियो ।
