आमाको काजकिरिया गर्दै सांसद राई

509
  •  
  •  
  •  

काठमाडौं, २६ पुस(ओएनएस) : सांसद उषाकला राईले कपाल मुण्डन गरेर आफ्नो आमाको काज–किरिया गरेकी छन् ।
उनी १ नम्बर प्रदेशसभाको सांसद हुन् ।

आमाको निधनपछि राईले आफैं किरिया बस्ने निर्णय गरेकी हुन् ।  उनका दाजुभाई छैनन् । सांसद राईकी आमा लक्ष्मी राईको बुधबार निमोनियाका कारण निधन भएको थियो ।

काज–किरियामा खटिएकी सांसद राईको उनका श्रीमान् पूर्वमन्त्री शेरबहादुर तामाङले प्रशंसा गरेका छन् । फेसबुकमा स्टाटस लेख्दै तामाङले राईलाई महान व्यक्तिको संज्ञा दिएका छन् ।

उनले लेखेका छन् ‘उषाजी तपाईं साँच्चै महान हुनुहुन्छ । छोरीलाई छोरासरह समान अधिकारको लागि निरन्तर लडिरहने तपाईंले पहिलो संविधानसभाको सदस्य भएर मौलिक अधिकार समितिमा बसेर त्यसको लैंगिक उपसमितिको संयोजक भएर सम्पूर्ण नेपाली नारीकोअधिकारलाई लिपिवध्द गर्दै नेपालको संविधानमा महिलाको वंशको अधिकार स्थापित गर्न सफल हुनुभयो ।’


  •  
  •  
  •