‘जात्रै जात्रा’ चलचित्र वैशाखमा रिलिज हुने

23
  •  
  •  
  •  

काठमाडौं : चलचित्र ‘जात्रा’को सिक्वेलको रुपमा बनेको ‘जात्रै जात्रा’ चलचित्र २०७६ साल वैशाख २७ गतेबाट रिलिज हुने भएको छ ।

चलचित्रका प्रस्तुतकर्ता रविन्द्र सिंह बाँनियाका अनुसार चलचित्र वैशाख २७ गतेबाट रिलिज हुनेछ । चलचित्रलाई प्रदिप भट्टराइले निर्देशन गरेका हुन् ।

‘जात्रै जात्रा’ले सुरुवातमा फागुन १७ गतेलाई प्रदर्शन मिति तय गरेको थियो । तर, चलचित्रका मुख्य नायक विपिन कार्कीको बाइक दुर्घटनामा परेर खुट्टा भाँचिएपछि चलचित्रको छायांकन प्रभावित भएको थियो । चलचित्रको छायांकन प्रभावित भएका कारण प्रदर्शन मिति पनि प्रभावित भएको थियो ।

योसँगै वैशाखमा आशा गरिएका २ चलचित्र ‘दाल भात तरकारी र जात्रै जात्रा’ रिलिज हुने भएका छन् । चलचित्रमा यादव पौडेल र सिंगे लामाको लगानी छ । चलचित्रमा विपिन कार्की, बर्षा राउत, रविन्द्र झा र रविनद्र सिंह बाँनियाको मुख्य भूमिका छ ।

चलचित्र ‘जात्रै जात्रा’मा नायक दयाहाङ राइलाई पनि विशेष अवतारमा देख्न सकिनेछ । यसैविच, चलचित्रमा समावेश ‘माया पिरिम’ बोलको गीत आइतबार सार्वजनिक गर्ने तयारी गरिएको छ ।


  •  
  •  
  •