जयललितालाई सजाय सुनाएपछि ६ जनाद्वारा आत्महत्या

79
  •  
  •  
  •  

काठमाडौं, १४ असोज: भ्रष्टाचार आरोपमा एआइडिएमके प्रमुख एवं तमिलनाडुकी मुख्यमन्त्री जे जयललितालाई चार वर्ष जेल सजाय सुनाइएपछि उनीसमर्थक १६ जनाको मृत्यु भएको छ । नवभारत टाइम्स अनलाइनका अनुसार जयललितालाई जेलसजाय सुनाइएको सहन नसकी ६ जनाले आत्महत्या गरेका छन् भने १० जनाको हृदयघातका कारण मृत्यु भएको छ ।

आत्महत्या गर्नेमा १९ वषीय कलेज विद्यार्थीसमेत छन् । अन्य कैयौं मानिसलाई गम्भीर अवस्थामा अस्पताल भर्ना गरिएको पनि समाचारमा जनाइएको छ । प्रहरीका अनुसार अस्पतालको फैसला सुन्नेवित्तिकै तीन जनाले झुण्डिएर आत्महत्या गरेका थिए भने एकले आत्मदाह गरेका थिए ।

त्यस्तै एक जनाले चलिरहेको बसबाट हाम्फालेर र एक जनाले विष सेवन गरेर आत्महत्या गरेका थिए । त्यसैगरी आत्मदाहको प्रयास गर्ने दुईजना गम्भीर अवस्थामा उपचार गराइरहेका छन् भने तिरुपुरमा एक जनाले औंला नै काटेका छन् ।

 नयाँ पत्रिकाबाट 


  •  
  •  
  •