काठमाडौं । जगदम्बा सिमेन्ट ई.प्रा.लि.तथा शुभ श्री जगदम्बा सिमेन्ट मिल्स् प्रा.लि.ले हाल केही संचार माध्यम एवं सामाजिक सञ्जालहरु मार्फत विभिन्न भ्रमपूर्ण र कपोकल्पित लेख आएको प्रति गम्भीर ध्यानाकर्षण भएको जनाएको छ ।
कम्पनीले एक विज्ञप्ति जारी गर्दै ध्यानाकर्षण भएको जनाएको हो । विज्ञप्तिमा भनिएको छ, ‘हाल नेपालमा सर्वाधिक विक्री हुने जगदम्बा सिमेन्ट ई.प्रा.लि.तथा शुभश्री जगदम्बा सिमेन्ट मिल्स् प्रा.लि.का उत्पादनहरु पिपि सि,ओ पि सि तथा पि एस सि सिमेन्टहरु नेपाल गुणस्तर चिन्ह(ने.गु.३८५, ने.गु.४९तथा ने.गु.३८४) तथा ISO 9001 : 2008 बाट समेत प्रमाणित भएका छन् । कम्पनीका उत्पादनहरु आफ्नै सुविधा सम्पन्न प्रयोगशालामा दैनिक रासायनिक तथा भैतिक परीक्षण गरेर मात्र बजारमा बिक्रीका लागि पठाउने गरिएको छ । साथै जगदम्बा सिमेन्ट नेपाल गुणस्तरद्वारा प्रदान गरिने गरिमामय क्वालिटी अवार्डमा लगातार तिन पटक लेटर अफएप्रिसिएसनद्वारा सम्मानित भएको कुरा सर्ब विदितै छ ।’
कम्पनीले आफ्ना उत्पादनहरु सदैव गुणस्तरीय रहेको र रहिरहने प्रतिबद्धता ब्यक्त गर्दै यस उद्योगसँग आबद्ध विक्रेता, डिलर, खरिदकर्ता तथाउपभोक्तहरुलाई उद्योगको उत्पादनहरुको गुणस्तरप्रति विश्वस्त हुन आग्रह गर्दै निर्धक्क रुपमा प्रयोग गर्न समेत विनम्र अनुरोध गरेको छ ।
