आईपीएलमा चेन्नई सुपर किङ्सले पन्जाबलाई १० विकेटले हरायाे

140
  •  
  •  
  •  

एजेन्सी । इन्डियन प्रिमियर लिग (आईपीएल) क्रिकेटमा चेन्नई सुपर किङ्सले किङ्स इलाभेन पन्जाबलाई १० विकेटले हराउँदै दोस्रो जित हात पारेको छ ।

दुवईको रंगशालामा आइतबार राति भएको खेलमा साविकको उपविजेता चेन्नईले दोस्रो जित निकालेको हो । पन्जाबले दिएको १ सय ७९ रनको लक्ष्य चेन्नईले १७ ओभर ४ बलमा बिना विकेटको क्षतिमा पूरा गर्यो । चेन्नईको जितमा फाप डु प्लेसिस र शेन वाट्सनले सानदार ब्याटिङ गरे ।

पहिलो विकेटका लागि प्लेसिस र वाट्सनले अविजित रहँदै १ सय ८१ रनको साझेदारी गरे । प्लेसिस ५३ बलमा ११ चौका र १ छक्कासहित ८७ रनमा अविजित रहे । वाट्सनले ५३ बलमा ११ चौका र ३ छक्कासहित अविजित ८३ रन जोडे ।

यसअघि टस जितेर पहिले ब्याटिङ गरेको पन्जाबले २० ओभरमा ४ विकेट गुमाएर १ सय ७८ रन बनाएको थियो । पन्जाबको लागि कप्तान केएल राहुलले ६३ रनको अर्धशतकीय​इनिङ्स खेले । निकोलस पुरन ३३ रन जोड्दा आउट भए । जितसँगै चेन्नईले ५ खेलमा ४ अंक जोडेको छ । चेन्नई तालिकाको छैठौं स्थानमा समेत उक्लिएको छ । पन्जाबले ५ खेलमा २ अंक जोडेको छ । पन्जाब पुछारमा रहेको छ ।
आज शीर्ष स्थानमा उक्लनका लागि दिल्ली क्यापिटल्स र रोयल च्यालेन्जर्स बेंग्लोरबीच प्रतिस्पर्धा हुँदै छ ।

आज एक खेल मात्र हुने आईपीएलमा नेपाली समय अनुसार राति पौने ८ बजे दिल्ली र बेंग्लोर आमने सामने हुन लागेका हुन् ।


  •  
  •  
  •