इन्नोसिएसआरद्वारा वातावारणमैत्री ईटा बनाउने प्रविधि नेपालमा विस्तार

101
  •  
  •  
  •  

काठमाडौं । दक्षिण कोरियाली सामाजिक प्रभावमुखी कम्पनी, इन्नोसिएसआरले नेपालका २ ईटा उत्पादक कम्पनी, इको ब्रिक र शिवशक्ति होम डेकोरेटिभसँग नवीनतम तथा वातावारण मैत्री ईंट्टा बनाउने प्रविधिविस्तार गर्ने सम्झौता गरेको घोषणा गरेको छ ।

इन्नोसिएसआरको दिगोपनासहितको यो प्रविधिले ईंट्टा उत्पादन गर्ने लाग्ने समय उल्लेखनीय रुपमा घट्ने भई उत्पादकत्व बढ्ने र कोभिडका कारण श्रमिक अभाव र विश्वव्यापी रुपमा देखिएको कच्चा पदार्थ अभाव भई ईटा उत्पादकहरुलाई देखिएको समस्याको हल हुने अपेक्षा गरिएको छ ।

‘इको ब्रिक र शिव शक्तिहोम डेकोरेटिभको सहकार्यसँगै हामीले नेपालको ईटाको उत्पादकत्व बढाउन र सँगसँगै हरित ग्यास उत्सर्जन पनि हटाउन सहयोग गर्ने भएका छौँ’ इन्नोसिएसआरका प्रमुख कार्यकारी अधिकृत तथा संस्थापक सामयुन्सुक लि.ले भने, ‘यस सहकार्यले सन् २०१८ मा नेपाली बजारमा हाम्रो प्रवेशपछिको हाम्रो निरन्तर विस्तारलाई जनाउँछ, र हामी विश्वास गर्छौं कि प्रभावकारी प्रविधिहरूको सुरुवातले नेपाललाई आर्थिक र सामाजिक दुवै रूपमा मद्दत गर्नेछ ।’
इन्नोसिएसआरले सन् २०१८ मा नेपालमा पहिलो पटक ईटा पोल्नु नपर्ने गरी माटोमा आधारित ईटा बनाउने प्रविधि भित्राएको थियो । गुड ब्रिक्स नामक यस प्रविधिले ईटामा रहेको माटोलाई स्थिर रुपमा राख्नको लागि विशेष सामग्री प्रयोग गरी बलियो, विश्वव्यापी स्तरको गुणस्तरीय ईंटा उत्पादन गर्दछ ।

यस प्रविधिले उत्पादन समय ८० प्रतिशतसम्म घटाउँछ, र ईटापोल्नु नपर्ने भएकोले हरितगृह ग्यास उत्सर्जनमा कटौती गर्दछ । नेपालमा २ वर्षसम्म सम्भाव्यता अध्ययन गरेर कम्पनीले सन् २०२० मा गोरखा इन्नोटेकसँग सहकार्य गरेर व्यवसायीकरणको सुरुवात गरेको हो । इन्नोसिएसआरले गुड ब्रिक्स एलायन्सको पनि सुरुवात गरेको छ, जसमा गुड ब्रिक्स प्रविधि अपनाउने सबैलाई सदस्य हुनको लागि आमन्त्रित गरिएको छ ।

नेपालीकम्पनीइको ब्रिक ‘कम्प्रेस्ड सोइल अर्थ ब्रिक’ मा आधारित कम्पनीहो। नेपालमा सन् २०१५ को भूकम्पपछि भएको पुननिर्माणको लागिनिर्माण सामग्रीको बढ्दो माग हुँदा कम्पनीको उल्लेखनीय वृद्धि भएको छ। कम्पनीकाप्रमुखकार्यकारी अधिकृत बिनोद पहारी हालव्यवसायीकमिस्त्रीहरुलाई इन्नोसिएसआरको प्रविधिको तालिमदिएर ब्यापार तथा समाजमा सकारात्मक परिवर्तन ल्याउनको लागिकाम गरिरहेका छन् ।

त्यस्तै सौगात केसीको नेतृत्वमा रहेको होम डेकोरेटिभ, पूर्वी नेपालमाउत्पादन गरिरहेको कंक्रिट इट्टाउत्पादक कम्पनी हो । यस क्षेत्रमा ईटाको माग बढेपछि, कम्पनीले परम्परागत निर्माण पद्दतिलाई त्यागेर नवीनतम प्रयोग गर्दै आएको छ । यी दुई उत्पादकले अब इन्नोसिएसआरको एलायन्समा सामेल हुने छन् भने भविष्यमा हुने अनुसन्धान र विकासको प्रक्रियामा सहजिकरण गर्ने छन् ।

सन् २००८ मा स्थापना भएपछि, इन्नोसिएसआरले विभिन्न बहुराष्ट्रिय कम्पनी, विभिन्न देशका सरकार, एसियामा रहेको विश्वब्यापी गैर सरकारी संस्थासँग मिलेर प्रविधि हस्तान्तरणको माध्यमबाट सामाजिक, वातावरणीय र आर्थिक रुपमा सकारात्मक रुपान्तरणको लागिकार्य गरिरहेको छ ।

इन्नोसिएसआरको कम लागत र श्रमले नै काम हुने यस वातावरण मैत्रीप्रविधिलाई विभिन्न अन्तर्राष्ट्रिय संस्था तथा दाताहरुले मान्यता दिने क्रम बढ्दो छ । सन् २०२० मा एसियाली विकास बैंकको भेन्चर्सले नेपालमा गुड ब्रिक्स प्रविधिको लागि १ लाख २५ हजार अमेरिकी डलर अनुदान प्रदान गरेको थियो ।

इन्नोसिएसआरको बारेमा

सन् २००८ मा स्थापना भएको इन्नोसिएसआर प्रभावमुखी प्रविधिको सुरुवात गर्ने एक वैश्विक सामग्री प्रविधि फर्म हो । यसले एसिया र अन्य क्षेत्रमा यथार्थ र सकारात्मक परिवर्तन ल्याउनको लागि कार्य गर्दछ ।

यस कम्पनी संस्थागत सामाजिक उत्तरदायित्व सम्बन्धि परामर्श प्रदान गर्ने कम्पनीबाट रुपान्तरण भई आफैँ सामाजिक उत्तरदायित्वको कार्यमा लागि परेको हो । लामो समयसम्म विभिन्न क्षेत्र र ठाउँहरुमा काम गरिसकेपछि इन्नोसिएसआरले नेपालमा गुड ब्रिक्स भनिने नवीनतम प्रविधिलाई स्थापित गर्न कार्यमा लागेको छ ।

यसले नेपालको ईटा उत्पादन र निर्माण क्षेत्रमा क्रान्ति ल्याउने र वातावरणलाई क्षतिन हुने गरी उत्पादकत्व बढाउने छ ।


  •  
  •  
  •