काठमाडौं ७ चैत (ओएनएस) :
नेपाल भ्रमणमा आउनु भएका बेलायती राजकुमार ह्यारीले आज राष्ट्रपति विद्यादेवी भण्डारीसँग भेटवार्ता गर्दैछन् । बिहान ११ बजे ह्यारीले राष्ट्रपति विद्यादेवी भण्डारीसँग भेट्ने कार्यक्रम तय भएको छ । उनले आजै भूकम्पबाट क्षतिग्रस्त पाटन दरबार स्क्वायरका मन्दिर र भवनहरुको पुनर्निर्माणबारे जानकारी लिने कार्यक्रम पनि रहेको छ । यसअघि हिजो अपराहृन काठमाडौं आएका हृयारीले प्रधानमन्त्री केपी ओलीसँग हिजै भेटवार्ता भएको थियो ।
बालुवाटारमा भएको भेटमा प्रधानमन्त्री ओली र बेलायती राजकुमार हृयारीबीच करिव २० मिनेट कुराकानी भएको थियो । नेपाआएका हुन् । त्यस्तै, ह्यारीले भूकम्पपीडितको अस्थायी पुनस्र्थापना केन्द्र, सानोठिमी प्राविधिक शिक्षालय, कान्तिबाल अस्पतालको पनि अवलोकन गर्नेछन् ।
नेपालस्थित बेलायती दूतावासका अनुसार ह्यारीले बर्दिया राष्ट्रिय निकुञ्जको अवलोकन, पोखरास्थित गोर्खा सैनिक क्याम्पमा पुगेर वीर गोर्खाप्रति श्रद्धाञ्जली अर्पण गर्ने कार्यक्रम पनि छ । हिमालयको दृश्यावलोकन, जलयात्रा तथा पोखराबाट पदयात्रा, भूकम्पबाट पीडित गोर्खा सैनिकका परिवारसँग भेट गर्ने कार्यक्रम रहेको दूतावासले जनाएको छ ।
