काठमाडौं, २७ असार (ओएनएस) : काठमाडौंको बसुन्धाराबाट एक युवक बन्दुकसहित पक्राउ परेका छन् ।
विशेष सूचनाका आधारमा महानगरीय प्रहरी प्रभाग बसपार्कको प्रहरी टोलीले परशुराम नगरपालिका १ डडेल्धुराका सुरेश भण्डारी युवकलाई पक्राउ गरेको हो ।
इन्सपेक्टर सुवास खड्का नेतृत्वको टोलीले बसुन्धाराको इसान बाल अस्पताल नजिकैबाट सोमबार साँझ पक्राउ गरेको हो ।
युवकको साथबाट प्रहरीले एक थान कटुवा पेस्तोलसहित त्यसमा लाग्ने तीन राउण्ड गोली बरामद गरेको छ । अभियुक्तलाई थप अनुसन्धनको लागि मंगलबार महानगरीय प्रहरी बृत्त महाराजगन्ज लगिएको प्रहरीले जनाएको छ ।