तारुकामा २१ हल गोरु जुधाइने

55
  •  
  •  
  •  

नुवाकोट । माघे सङ्क्रान्तिमा नुवाकोटको तारुकामा २१ हल गोरु जुधाइने भएको छ ।

माघे सङ्क्रान्ति गोरु जुधाइ संरक्षण संस्थाले आयोजना गरेको पत्रकार सम्मेलनमा संस्थाका अध्यक्ष भोजबहादुर भण्डारीले २१ हल गोरु जुधाइने बताए ।
तारकेश्वर गाउँपालिका ३ को चन्दनीमामा आउँदो माघ १ गते आयोजना हुने गोरु जुधाइ मेला आयोजना गर्न गाउँपालिका, नेपाल पर्यटन बोर्डलगायतबाट सहयोग प्राप्त भएको आयोजकले जनाएको छ । मेलामा जित्ने गोरुका धनीलाई नगदसहित पुरस्कृत पनि गरिने छ ।

विभिन्न ठाउँमा छरिएको गोरु जुधाइ परम्परालाई २०६२ सालदेखि एकै ठाउँमा गाउँभरिका गोरु भेला गरी जुधाउन थालिएपछि यहाँको गोरु जुधाइ परम्पराले अहिले मेलाको स्वरुप ग्रहण गरेको छ ।

नुवाकोटमा तारुकासँगै बेत्रावती, पञ्चकन्याको घले भञ्ज्याङ, तादीको सातबिसे, लिखुको कट्टीछापलगायत ठाउँमा पनि गोरु जुधाइ हुने गरेको छ ।


  •  
  •  
  •