काठमाडौँ, १५ फागुन(ओएनएस) : गत साताभर प्रतितोला १ हजार रूपैयाँले बढेको सुनको मूल्य आज साताको पहिलो दिन आइतबार भने ५ सयले घटेको छ ।
नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला ५ सयले घटेर ५६ हजार रूपैयाँमा कारोबार भइरहेको छ । यस्तै, तेजावी सुन पनि प्रतितोला ५ सय रूपैयाँले घटेर ५५ हजार ७ सय ५० रूपैयाँमा कारोबार भइरहेको छ ।
यस्तै, आज चाँदीको मूल्य पनि प्रतितोलामा १० रूपैयाँले घटेको महासंघले जनाएको छ । चाँदी आज प्रतितोला ७ सय २५ रूपैयाँमा कारोबार भइरहेको छ ।
