काठमाडौँ, ३० फागुन(ओएनएस) : सुनको मूल्य आज साताको पहिलो दिन आइतबार ५ सयले घटेको छ ।
नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला ५ सयले घटेर ५६ हजार रूपैयाँमा कारोबार भइरहेको छ ।
यस्तै, तेजावी सुन पनि प्रतितोला ५ सय रूपैयाँले घटेर ५५ हजार ७ सय ५० रूपैयाँमा कारोबार भइरहेको छ ।
तर, आज चाँदीको मूल्य भने स्थिर रहेको महासंघले जनाएको छ । चाँदी आज प्रतितोला ७ सय ३० रूपैयाँमा कारोबार भइरहेको छ ।
