ग्लोबल आइएमइले ल्यायो नयाँ कर्जा योजना

223
  •  
  •  
  •  

काठमाडौं । ग्लोबल आइएमई बैंकले नयाँ कर्जा योजना ल्याएको छ ।  साना तथा मझौला व्यवसायमा लगानी गर्न चाहने तथा लगानी गरिरहेका व्यवसायीलाई मध्यनजर गर्दै साना तथा मझौला व्यवसायी कर्जा ल्याएको हो । उक्त कर्जा बैंकले ३ दिन भित्र उपलब्ध गराउने छ ।

ग्राहकलाई छिटो छरितो रुपमा सेवा दिई साना तथा मझौला उद्यमी व्यवसायीहरुलाई हौसला र साथ प्रदान गर्दै उत्पादनमा बृद्धि गर्ने उद्देश्यका साथ बैंकले कर्जा लिने समयावधि घटाएको जनाएको छ ।

अब उक्त कर्जा लिन चाहनेहरुले आवश्यक कागजातहरु बैंकमा पेश गरेको ३ दिन भित्र बिना झन्झट आकर्षक व्याजदरमा कर्जा प्राप्तगर्न सक्ने छन् ।

आफ्नो ब्यवसाय विस्तार गर्ने उद्देश्य लिएका साना ब्यसायीहरुलाई विद्यमान व्यवसाय वा प्रस्तावित साना उद्योग व्यवसायको नगद प्रवाहको आधारमा ५ लाखदेखि देखि ६ करोड रुपैयाँसम्म ऋण उपलब्ध गराइने बैंकले जनाएको छ ।


  •  
  •  
  •