सत्तारुढ गठबन्धन बैठकः मन्त्रिपरिषदलाई पूर्णता दिने सहमति

116
  •  
  •  
  •  


काठमाडौं । सत्तारुढ गठबन्धनको शीर्ष बैठकमा मन्त्रिपरिषदलाई छिट्टै पूर्णता दिने सहमति भएको छ । बुधबार माधव नेपालसहित शीर्ष नेताहरू पुनः छलफल गर्ने र सरकार सञ्चालनका विषयमा सहमति गर्ने निर्णय भएको हो ।

प्रधानमन्त्री निवास बालुवाटारमा बसेको बैठकले शीर्ष नेताहरूले मन्त्रीको नाम दिएपछि मन्त्रिपरिषद् विस्तार गर्ने सहमति भएको छ । बैठकमा गठबन्धनको तर्फबाट सरकारको साझा नीति तथा कार्यक्रम ल्याउनेबारे पनि छलफल भएको छ ।

बैठकमा प्रधानमन्त्री शेरबहादुर देउवासहित कांग्रेसका वरिष्ठ नेता रामचन्द्र पौडेल, महामन्त्री पूर्णबहादुर खड्का र कृष्णप्रसाद सिटौला तथा माओवादी केन्द्रका अध्यक्ष पुष्पकमल दाहाल प्रचण्ड र प्रवक्ता नारायणकाजी श्रेष्ठ, जसपाबाट अध्यक्ष उपेन्द्र यादव, डा. बाबुराम भट्टराई र अशोक राई तथा जनमोर्चाबाट अध्यक्ष चित्रबहादुर केसी र दुर्गा पौडेल तथा एमालेको माधव नेपाल समूहबाट विजय पौडेल सहभागि थिए ।


  •  
  •  
  •