सिन्धुली । सिन्धुली प्रहरीले गाँजा सहित ६ जनालाई पक्राउ गरेको छ । विशेष सुराकीको आधारमा जिल्ला प्रहरी कार्यालयबाट खटिएको प्रहरी टोलीले उनीहरुलाई हरिहरपुरगढी–७ केमनचुली कच्ची सडकबाट पक्राउ गरेको हो ।
३ वटा मोटरसाईकलमा अबैध ५५ केजी तयारी प्याकेजिङ गाँजा सहित छ जनालाई पक्राउ गरिएको जिल्ला प्रहरी कार्यालय सिन्धुलीले जनाएको छ ।
पक्राउ पर्नेमा हरिहपुरगढी ७ का सन्तोष स्याङतान,आकाश वल, अंकित मुक्तान,सरोज स्याङतान, मरिण गाउँपालिकाका तिलकध्वज मोक्तान र सर्लाही जिल्ला वागमती नगरपालिकाका श्रवणकुमार वाईवा रहेका छन् ।
उनीहरुको साथबाट अबैध गाँजा ओसार पसारमा प्रयोग गरिएको तीन थान मोटरसाइकल समेत बरामत भएको छ ।
