निर्वाचनको सबै तयारी पूराः आयोग

55
  •  
  •  
  •  

काठमाडौं । निर्वाचन आयोगले शुक्रबार हुने पालिका चुनावका लागि सबै तयारी पूरा भएको जनाएको छ ।

आयोगमा बिहीबार भएको पत्रकार सम्मेलनमा सह–प्रवक्ता सूर्यप्रसाद अर्यालले देशभरका सबै मतदान केन्द्र र स्थलमा मतदानका लागि तयारी पूरा भएको जानकारी दिए ।

चुनावलाई स्वच्छ, स्वतन्त्र, निष्पक्ष र भयरहित बनाउन आयोग प्रतिबद्ध रहेअनुसारका तयारी पूरा भएको पनि उनले बताए ।

यस्तै २७ गते राति १२ बजेदेखि लागू भएको मौन अवधि पालना भएरनभएको अनुगमन भइरहेको र पालना नगर्नेलाई सचेत गराउने काम भइरहेको सहप्रवक्ता अर्यालको भनाइ छ । आचारसंहिता लागू भएयता ६६ वटा स्पष्टीकरण सोधिएको, नौ वटा सचेत र एउटा ध्यानाकर्षणको निर्णय भएको आयोगले जनाएको छ ।

देशभरका १० हजार सात सय ५६ मतदानस्थलमा रहेका २१ हजार नौ सय मतदान केन्द्रमा भोलि बिहान ७ बजेदेखि मतदान कार्य सुरु हुनेछ । मतदान कार्य बेलुकी ५ बजेसम्म जारी रहनेछ ।

चुनावबाट सात सय ५३ पालिकाका प्रमुखरउपप्रमख, अध्यक्षरउपाध्यक्ष, वडाध्यक्ष, दलित महिला सदस्य, महिला सदस्य र खुला वडा सदस्य गरी ३५ हजार दुई सय २१ जना निर्वाचित हुनेछन् ।


  •  
  •  
  •  

LEAVE A REPLY

Please enter your comment!
Please enter your name here