काठमाडौँ, २६ कात्तिक(ओएनएस) : भारतले लगाएको अघोषित नाकाबन्दीका कारण नेपालमा अभावको स्थिति सिर्जना भएको छ । इन्धन, खाद्यान्न, औषधी लगायतका अत्यावश्यक सामग्रीहरूको चरम अभाव भइरहेका बेला परेको तिहारलाई सकेसम्म रमाईलो बनाउने प्रयासमा छन् सर्वसाधारण ।
चरम अभावका बीच पनि काठमाडौँ उपत्यकामा तिहारको रौनक भने घटेको छैन् । बजारमा रहेको चहलपहल होस् या घरमा, यसले अभावको अवस्था नभएको भान गराउँछ । तिहारमा आफ्नो घर झिलिमिली पार्ने क्रममा बत्तिहरू बालेका छन् । कसैले विद्युतीय बत्तिको प्रयोग गरेका छन् भने कतिपयले तेलको अभावमा पनि दियोमा बत्ति बालेर आफ्नो घरलाई सकेसम्म झलमल्ल पार्दै देवी लक्ष्मीलाई आफ्नो घरमा भित्राउने प्रयास गरेका छन् ।
काठमाडौँ उपत्यका लक्ष्मी पूजाको रात झलमल्ल देखिएको छ । हेरौ काठमाडौँ उपत्यकाका केही दृश्यहरू…
