अमेरिकामा कोरोना संक्रमितको २८ लाख ३९ हजार ४ सय ३६ पुग्यो

244
  •  
  •  
  •  

काठमाडौं । अमेरिकामा कोरोना संक्रमितको संख्या २८ लाख ३९ हजार ४ सय ३६ पुगेको छ ।

अमेरिकास्थित जोन्स हप्किन्स विश्वविद्यालयका अनुसार अमेरिकामा १ लाख २९ हजार ६७ जनाको कोरोना संक्रमणबाट ज्यान गएको छ । संक्रमितमध्ये ८ लाख ९४ हजार ३ सय २५ जना उपचारपछि निको भएका छन् ।

अमेरिकी राज्य फ्लोरिडामा कोरोनाभाइरस सङ्क्रमितहरूको गन्ती एकैदिनमा अहिलेसम्मकै उच्च १५,२९९ पाइएको छ।

त्यो सङ्ख्या अमेरिकाभर पछिल्लो चौबीस घण्टामा बढेको सङ्क्रमितको झण्डै एक चौथाइ हो। ७ प्रतिशत अमेरिकी जनसङ्ख्या भएको उक्त राज्यले यसअघि क्यालिफोर्नियामा रहेको दैनिक उच्च वृद्धिको विन्दु तोडेको हो।

फ्लोरिडालाई यदि एउटा देश मान्ने हो भने नयाँ सङ्क्रमितको सङ्ख्याका आधारमा यो यतिखेर विश्वमै चौथो नम्बरमा पर्ने रोयटर्स समाचार संस्थाको एक विश्लेषणले जनाएको छ।

यस्तो वृद्धिसँगै उक्त राज्यको स्वास्थ्य प्रणालीमा निकै चाप परेको देखिएको छ। चार दर्जनभन्दा बढी अस्पतालहरूले आफ्नो सघन उपचार क्षमता पूर्ण अवस्थामा चलिरहेको बताएका छन्।


  •  
  •  
  •